Ledig stilling som kokk

I eining for velferd, Nissedal omsorgssenter, er det ledig eit 60-80% vikariat som faglært kokk.
Stillinga er ledig frå 01.05.23-31.12.23.
Id 2023/343

Nissedal omsorgssenter søkjer etter ein dyktig faglært kokk som skal arbeide med å utvikle gode og næringsrike måltidsopplevingar til glede for bebuarar, og heimebuande som får middagslevering.

Kjøkkenet lagar mat til 15 institusjonsbebuarar, og leverar middag til 10-15 heimebuande tre dagar i veka. 

Det er to tilsette på jobb dei fleste vekedagar og ein tilsett i helgene. 

Kjøkkenet har eit nært samarbeid med pleieavdelingane i forhold til å lage tilpassa mat og etterkome ynskje. 

Ein ser på kok – kjølsystem for å gjere kjøkkenet mindre sårbart i feriar o.l.
samt at det gjer ein moglegheit for å redusere helge/heilagdagsarbeid på sikt. 

Kjøkkenet står også overfor ei stor ombygging, og omsorgssenteret har starta ein kafé for pasientar, pårørande og andre.
Eit tilbod som er under utvikling. 

Stillinga inneber dagarbeid i vekene og dagarbeid i turnus kvar 3.helg, der du jobbar sjølvstendig. 

Kvalifikasjonar:    

• Institusjonskokk, eller anna relevant utdanning som kokk
• Personar med anna relevant kompetanse/praksis kan og søkje
• Personlege eigenskapar:
• Oppteken av god og bra mat i eldreomsorga
• Sjølvstendig
• Gode samarbeids- og kommunikasjonsevner
• Positiv og fleksibel
• Kreativ og engasjert
• Serviceinnstilt
• Personleg eignaheit vil bli lagt vekt på. 

Anna: 

• Tilsetjingsvilkår etter gjeldande lov, tariffavtale og kommunen sitt reglement
• Ved interne tilsetjingar kan andre stillingar bli ledige
• Ved tilsetjing blir det stilt krav om politiattest
• Me gjer merksam på at namn på søkjarar kan bli offentleggjort i høve til offentleglova § 25
• Kopi av vitnemål og attestar skal leverast i samband med intervjuet

Nærare opplysningar om stillinga får du ved å kontakte institusjon tlf.
35 04 84 60 

Send søknad på elektronisk søknadsskjema.

Nissedal kommune ligg sør i Vest-Telemark, og er ein kommune i vekst.
Treungen er administrasjonsstaden, og andre tettbygde stader er Kyrkjebygda, Fjone, Haugsjåsund og Felle.