Ålesund kommune søkjer etter ein leiar som får det overordna ansvaret for å utvikle, planlegge og gjennomføre dei kommunale prosjekta i Bypakke Ålesund.
Ålesund by vil i dei komande åra gå gjennom ei stor endring og utvikling.
Bypakke Ålesund er eit av dei største samferdselsprosjekta i kommunen nokon gong.
Fem milliardar kroner skal nyttast for å forbetre vegane, byggje sykkelvegar, tryggje dei mjuke trafikantane og leggje til rette for auka bruk av kollektivtransport.
Bypakke Ålesund er eit samarbeidsprosjekt mellom Statens Vegvesen, Møre og Romsdals fylkeskommune og Ålesund kommune der alle har sine porteføljer dei skal gjennomføre.
Prosjekta varierer både i storleik og form.
I porteføljen ligg mellom anna fleire spennande byutviklingsprosjekt, nye sykkelvegar,samt trafikksikring- og kollektivprosjekt.
Dei fleste prosjekta som kommunen ledar ligg i ein storleiksorden på 10–20 millionar kroner, og den totale kommunale porteføljen er på 415 mill.
kr.
Stillinga vil vere knytt til prosjektavdelinga i verksemd for Miljø og samferdsel, og føreset eit tett samarbeid med fleire verksemder i kommunen, samt med eksterne aktørar.
Som leiar for Bypakken i Ålesund kommune vil arbeidskvardagen vere variert og innhaldsrik.
Du får ansvar for å utvikle, planlegge og gjennomføre byggeprosjekt i den kommunale porteføljen til Bypakken, samt i samarbeidsprosjekta til Bypakken.
Du vil vere ansvarleg for en intern prosjektgruppe på 5-6 personar.
Du vil vidare delta i dei store samarbeidsprosjekta med Statens vegvesen og Møre og Romsdal fylkeskommune og være i tett kontakt med styringsgruppa og politikere og vere deltakar i sekretariatet til Bypakken.
I tillegg vil du delta i kommunen sitt øvrige arbeid knytt oppimot mobilitet og byutvikling på strategisk nivå.
Kommunen har eit særskilt ansvar for areal- og samfunnsplanlegginga.
Eit hovudmål er at Ålesundsregionen skal vere leiande på smart og berekraftig by- og stadutvikling.
Prosjekta vi planlegg og gjennomfører skal involvere brukarar og ta omsyn til klima og miljø, men også sosiale verdiar for å skape livskvalitet for innbyggjarane i ulike fasar av livet.
Som leiar er det forventa at du kommuniserer på ein forståeleg og tydeleg måte og ser samanhengen mellom ulike prosjekt og prosessar som skjer parallelt. Relasjonsbygging, kommunikasjon og samarbeid internt og eksternt er en sentral del av rolla og en nøkkel for å lykkes.
Det forventes at du liker å lede andre og sjå dei store grepa for byutvikling i det større perspektivet, og har gode gjennomføringsegenskaper.