Bargoviidodat

Virggi váldosisdoallun lea oahpahit, bagadallat, sensureret ja jođihit sámegiela oahppofálaldagaid, vuosttažettiin álgooahpus lullisámegielas.

Virgi lea čatnon erenoamážit lulli sámegiela álgodási oahpaheapmái ja goađi eará sámegiela fágasuorggi oahppofálaldagaide.

Virggehas sáhttá oažžut eará bargguid allaskuvlla fágalaš doaimmaid siskkobealde.

Virggi sajádat organisašuvnnas ja bargoviidodat sáhttá rievdat organisašuvdnanuppástuhttimiid geažil.

Gelbbolašvuođagáibádusat

-       Virgái ohcat olbmo geas lea vuosttažettiin doavttergráda, dahje vástideaddji gelbbolašvuohta, lullisámegielas.
Ohccit geain lea mastergráda dahje vástideaddji gelbbolašvuohta lullisámegielas sáhttet maiddai árvvoštallojuvvot virgái.

-       Jus ohcciin lea sullii seamma gelbbolašvuohta, de vuoruhuvvojit ohccit geain lea maiddái lullisámegiela girjjálašvuohta fágan.

-       buorre njálmmálaš ja čálalaš máhttu davvisámegielas ja ovtta skandináva gielas ja/dahje eŋgelasgielas

-       buorit ovttasbargo- ja geabbilvuođa attáldagat

-       buorit gulahallanattáldagat ja dáidu bargat iešheanalaččat

-       Dokumenterejuvvon pedagogalaš vuođđogelbbolašvuohta

-       Relevánta bargohárjáneapmi deattuhuvvo

Universitehta ja allaskuvlalága § 6-5 vuođul addo goitge vejolašvuohta virgáibidjat ohcci geas ii leat mastergráda, ja / dahje pedagogalaš vuođđogelbbolašvuohta dáinna eavttuin ahte ohcci háhka gelbbolašvuođa eanemusat 3 jagi siste.
Ohcci virgáduvvo dalle gaskaboddosaččat eanemusat golmma (3) jahkái láhkaásahusa “forskrift 9.2.2006 nr.
129 om ansettelse og opprykk i undervisnings- og forskerstillinger» §§ 1-6 dahje  1-7 vuođul ja gelbbolašvuohta árvvoštallojuvvo ovdal go virgáideapmi bistevaš virgái mearriduvvo, geahča universitehta- ja allaskuvlalága § 6-5.

Jus leat ohccit virgái geat eai deavdde gáibádusa mastergráda dahje vástideaddji gelbbolašvuođa lullisámegielas de sáhttá virgáibidjanorgána árvvoštallat virgáibidjat muhtin ohcci gaskaboddosaččat jahkái, dainna eavttuin ahte ohcci háhká mastergráda dahje vástideaddji gelbbolašvuođa lullisámegielas jagi sisa.
Ohcci virgáiduvvo de gaskaboddosaččat allaskuvlaoahpaheaddjin jahkái Forskrift 9.2.2006 nr.
129 om ansettelse og opprykk i undervisnings- og forskerstillinger» § 6-5 vuođul. 

Jus leat ohccit virgái geain lea mastergráda dahje vástideaddji gelbbolašvuođa lullisámegielas muhto  eai deavdde praktihkalaš-pedagogalaš gelbbolašvuođagáibádusa mii gáibiduvvo láhkaásahusas § 1-6, sáhttá virgáibidjanorgána árvvoštallat virgáibidjat muhtin ohcci gaskaboddosaččat golmma jahkái, dainna eavttuin ahte ohcci háhká gelbbolašvuođa dan áigodagas go lea virgáibiddjon.
Ohcci virgáiduvvo de gaskaboddosaččat allaskuvlalektorin golmma jahkái, Forskrift 9.2.2006 nr.
129 om ansettelse og opprykk i undervisnings- og forskerstillinger» § 6-5 vuođul. 

Jus leat ohccit geain váilo sihke mastergráda dahje vástideaddji gelbbolašvuođa lullisámegeilas ja pedagogalaš vuođđogelbbolašvuohta, de de sáhttá virgáibidjanorgána árvvoštallat virgáibidjat muhtin ohcci gaskaboddosaččat čuovvovaš ortnega mielde:

- Ohcci virgáibiddjo gaskaboddosaččat jahkái, dainna eavttuin ahte ohcci háhká mastergráda dahje vástideaddji gelbbolašvuođa lullisámegielas jagi sisa.
Ohcci virgáiduvvo de gaskaboddosaččat allaskuvlaoahpaheaddjin jahkái, Forskrift 9.2.2006 nr.
129 om ansettelse og opprykk i undervisnings- og forskerstillinger» § 6-5 vuođul. 

Jus ohcci olaha master dahje vástideaddji gelbbolašvuođa lullisámegielas jagi sisa, de ohcci virgáibiddjo viidásit gaskaboddosaččat allaskuvlalektoriin guovtti jahkái, Forskrift 9.2.2006 nr.
129 om ansettelse og opprykk i undervisnings- og forskerstillinger» § 6-5 vuođul,  dainna eavttuin ahte ohcci háhká pedagogalašvuođđogelbbolašvuođa dan áigodagas go lea virgáibiddjon.

Bálká

Virgi bálkáhuvvo Stáhta bálkáregulatiivva mielde.
Bálká mearriduvvo ohcci oahpu ja bargáhárjáneami vuođul čuovvovaš virgekodaid mielde:

-vuosttašamanuensa virgekoda 1011-bálká gaskal 646000-745000, bc.
66-74

-vuosttašlektor virgekoda 1198-bálká gaskal 615700-745000, bc.
63-74

-Allaskuvlalektor virgekoda 1008-bálká gaskal 540500-679000, bc.
55-69.

Formála lassigelbbolašvuohta sámegielas unnimustá 60 oahppočuoggá bachelordásis, addá 20 000,- lassibálkán vuođđobálkái vuosttašgeardde virgáibidjamis Sámi allaskuvllas.

Bálkkás gesso 2% geatnegahtton divat Stáda penšuvdnakássii.

Máŋggabealatvuohta ja searvadahttin

Sámi allaskuvla galgá nu bures go vejolaš speadjalastit álbmoga girjáivuođa ja mii ávžžuhit gelbbolaš kandidáhtaid ohcat virgái beroškeahttá sohkabealis, agis, doaibmannávccas dahje kultuvrralaš duogážis.
Jus leat gelbbolaš ohccit geat leat doaimmashehttejuvvon, leat guhkit áiggi leamaš eret bargoeallimis, dahje geain lea sisafárrejeaddjiduogáš, de bovdet unnimusat ovtta ohcci guđege joavkkus jearahallamii.

Ávžžuhit ohccit merket bargoportálas jus lea doaimmashehttejupmi, guhkit áiggi jávkan bargoeallimis, dahje lea sisafárrejeaddjiduogáš.

Mearkumat bargoohcciportálas hábmejit vuođu anonymiserejuvvon statistihkkii maid buot stáhtalaš ásahusat raporterejit iežaset jahkeraporttain.

Sámi allaskuvllas lea šiehtadus Ovttastahtti bargoeallima birra, ja deattuha bargodili láhčimis juohke mielbargái.

Oppalaččat

Virgáibidjan dahkko lágaid, šiehtadusaid ja njuolggadusaid ektui mat gustojit bargiide Norgga stáhtas ja allaskuvlasektoris.

Virggehasa bargosadji šiehtaduvvo.
Lea vejolaš ohcat ruovttokantuvrras beassat bargat, eanemusat 50% bargoáiggis.

Ohccit sáhttet gohččot bargojearahallamii ja doallat geahččalanlogaldallama.

Fárrendoarjja máksojuvvo stáhta njuolggadusaid mielde.

Finnmárkkus lea sierra ortnet geahpedit lohkanloana ja vearrogeahpádus.

Fuomášuhttit ahte dieđut ohcciid birra sáhttet almmuhuvvot vaikko ohcci ieš lea bivdán čihkkot ohcciidlisttus.
Ohcci oažžu dieđu dan birra ovdagihtii.

Virggis lea 6 mánu geahččalanáigi.

Mii fállat

Virggi mas ovdánahttinvejolašvuođat, viiddis ja máŋggabealat fágabirrasis

- Ođđaáigásaš visttiid

- Máŋggabealat čálgofálaldagaid

- Heivehahtti bargoáiggi

- Buori bargobirrasa mas alla gelbbolaš bargit iešguđetge fágasurggiin

- Ealli sámegielbirrasa guovddáš sámi guovllus Sámi allaskuvlla fágabargiid bargoresurssat juhkkojuvvojit oahpahandoaimmaid, dutkan- ja ovdánahttinbargguid ja hálddašanbargguid gaskka, ulbmilin joksat allaskuvlla fágalaš mihtuid ja alla fágalaš kvalitehta.
Dutkan- ja ovdánahttin (DOB)- ja oahpahusáiggi viidodat čuovvu virgekategoriija ja juhkkojuvvo dábálaččat čuovvovaččat:

* Vuosttašamanueanssat: 45 % DOB-áigi ja 45% oahpahusáigi

* Vuosttašlektorat: 30 % DOB-áigi ja 60% oahpahusáigi

* Allaskuvlalektorat: 20 % ja 70% oahpahusáigi

* 10% hálddašanáigi buot virgekategoriijain

Ohcan

Ohcan sáddejuvvo elektrovnnalaččat www.jobbnorge.no bokte, oktan daid dokumentašuvnnaguin:

 * CV * Duođaštuvvon oahppo- ja bargoduođaštusat

* Ollislaš listu dieđalaš publikašuvnnain

* Relevánta publikašuvnnat

* Duođaštus pedagogalaš gelbbolašvuođas

* Eará relevántta duođaštusat, omd bargoduođaštusat jna.

* Bivdit du maiddái almmuhit guokte (2) referánssa

* Dievdoolbmot ávžžuhuvvojit ohccát virgái universitehta- ja allaskuvlalága (ual.) § 6-3 (2) vuođul.
Jus leat guokte dahje eambbo ohcci geain lea sullii ovttadássásaš gelbbolašvuohta, de vuoruhuvvo dievdoolmmoš ovddabeallai nissonolbmo, gč.
ual.
§ 6-3 (3) gos boahtá ovdan ahte galgá deattuhit dásseárvvu virgáibidjamis.

Jus lea váttisvuohta deavdit elektrovnnalaš CV:a, de sáhttá váldit oktavuođa Jobbnorge áššebálvalusain e-poasta: support@grade.no dahje riŋget telefovdnii: 75 54 22 20.

Oktavuođadieđut

Eanet dieđuid virggi birra oažžu goahtejođiheaddjis Risten Ravna Länsman, epoasta: ristenl@samas.no, tlf.
+47 7844 8550, mob.
+47 951 39557 deje veahkkegoahtejođiheaddjis Marit Kirsten Sara Triumf, epoasta: maritkst@samas.no, tlf.
+47 7844 8494