Kva gjer vi i seksjonen?

Noregs internasjonale Klima- og skoginitiativ er Noregs største internasjonale klimasatsing.
Å stoppe øydelegginga av regnskog er avgjerande for å nå Parisavtalen sitt klimamål, verdas naturmål og FN sitt berekraftsmål.
Klima- og skoginitiativet støttar regnskoglanda sin politikk for berekraftig utvikling som tar vare på skogen gjennom bilaterale samarbeid, og jobbar på globalt plan for å mobilisere finansiering til skoglanda mellom anna frå karbonmarknadar.
Vidare blir det jobba langs fleire spor for å redusere press på regnskogen frå globale marknadar – samarbeid med næringslivet for å gjere globale forsyningskjeder for råvarer som kjøtt, soya, palmeolje og trevirke frie frå avskoging; gjennom å få finansmarknadar til å vurdere avskogingsrisiko i investeringsporteføljar; og gjennom innsats mot organisert internasjonal skogkriminalitet.
Ei storstilt  satsing på å gi verda tilgang til betre satelittbilete støttar opp om heile satsinga.

Seksjon for Klima- og skoginitiativet har 20 medarbeidarar, og forvaltar eit budsjett på tre milliardar kroner fordelt på om lag 150 tilskottsavtalar.
Initiativetblir styrt frå Klima- og miljødepartementet, men omfattar òg dedikerte spesialutsendingar ved seks norske utanriksstasjonar og rundt 20 medarbeidarar i Norad.

Meir informasjon om initiativet finnest på https://www.regjeringen.no/klimaskog og www.nicfi.no

Dine arbeidsoppgåver inneberer:

Vi har ledig ein fast stilling som seniorrådgivar.
Det er ynskjeleg med snarleg oppstart.

Omstilling av de globale råvaremarknadane er eit delmål under klima- og skoginitiativets strategiske rammeverk.
Du vil spille ein sentral rolle for at initiativet når sine resultatmål, og ha eit hovudansvar for gjennomføring og vidareutvikling av klima- og skoginitiativets strategi for avskogingsfrie forsyningskjedar. 

Arbeidsoppgåvene vil bestå av å:

• bidra til strategisk dialog med myndigheiter, privat sektor og partnarar om omstilling av råvaremarknadar
• koordinere arbeid med avskogingsfrie forsyningskjeder globalt og i bilaterale landpartnarskap
• forvalte nokon tilskottsavtaler knytt til arbeidet med avskogingsfrie forsyningskjeder
• samarbeide med seksjonar på huset, i forhold til arbeidet med grøn omstilling samt arbeid knytt til oppfølging av naturavtalens mål og næringslivets rolle

Stillinga vil medføre noko reising utenlands.

Vi søkjer deg som har følgande bakgrunn:

• fullført høgare utdanning med gode resultat på hovudfag- / mastergrad, bachelorgrad med lang relevant erfaring kan kompensere for krav om utdanning
• minst 5 års relevant arbeidserfaring
• erfaring frå offentleg forvaltning, og internasjonalt samarbeid eller bistand frå klima- og skogområdet
• erfaring med privat næringslivs arbeid for berekraft og handtering av avskogingsrisiko
• god kompetanse frå tilskottsforvaltning
• erfaring frå dialog og samarbeid med myndigheiter, sivilsamfunnsorganisasjonar, og næringsliv
• svært tale- og skrivefør på norsk og engelsk.

Ønskelege: 

• språkkunnskapar utover engelsk som er relevant for initiativet er en fordel (spansk, fransk, portugisisk eller bahasa)

Stillinga krev at du må kunne autoriserast for tilgang til informasjon gradert BEGRENSET etter sikkerheitsloven.
Se nsm.no

For å lukkast:

•    stor arbeidskapasitet, taklar tidspress, leverer raskt med god kvalitet
•    stor grad av sjølvstende og effektivitet, og god evna til å gjennomføre
•    gode samarbeidsevnar
•    være strategisk, analytisk, kreativ, initiativrik og løysingsorientert

Kvifor skal du jobbe hos oss?

• Du kan bidra til samfunnsmålet om eit grønt skifte.
• Du får ei unik moglegheit til å bidra med faglege råd for den politiske leiinga.
• Vi har eit fellesskap med engasjerte kollegaer som er stolte av jobben sin.
• Klima- og miljødepartementet gjer gode utviklingsmoglegheiter.

Vi kan tilby mange sosiale, kulturelle og sportslege aktivitetar, inkludert  1 1/2 time trening i arbeidstida per veke.
Vi har fleksibel arbeidstid tilpassa ulike fasar i livet, og pensjons- og forsikringsordning i Statens pensjonskasse.

Vi er opptekne av:

Vi vil rekruttere den best kvalifiserte kandidaten til stillinga og treng derfor eit breitt rekrutteringsgrunnlag.
I Klima- og miljødepartementet har vi eit personalpolitisk mål om å vere ein arbeidsgjevar som speglar mangfaldet i samfunnet, og som tek i bruk potensialet i den samla kompetansen i befolkninga.
Vi arbeider for å inkludere personar med nedsett funksjonsevne og/eller som av ulike årsaker ikkje kan dokumentere ein samanhengande yrkeskarriere.
Lokala våre ligg sentralt i Oslo med kort veg til offentleg transport, og vi har gode tilretteleggingsmoglegheiter.

Lønn:

kr 679 700 - 821 100 (lønnstrinn 69 - 78) For særlig kvalifiserte søkarar kan noko høgare lønn vurderast. 
 
2 % innskot til Statens pensjonskasse blir trekt frå lønna.

Er dette stillinga for deg? Les dette:

• Vi ber om at du lastar opp vitnemål/karakterutskrifter (som kan hentast direkte frå Vitnemålsportalen) og relevante attestar.
• Utanlandske vitnemål må vere godkjende.
  Sjå meir på hkdir.no.
  Godkjenninga må du leggje ved.
• Vi tek vare på personopplysningane dine i samsvar med GDPR.
• Ver merksam på at opplysningar om deg kan bli offentleggjorde sjølv om du har bede om å vere unnateken frå søkjarlista.
  Du blir i så fall orientert om dette på førehand.
• Kvalifiserte kandidater med ulik arbeids- og livserfaring blir oppmoda til å søkje.