Vil du vera med og lage sommaraktivitetar i Luster kommune?

Luster kommune og Luster frivilligsentral skal i samarbeid med lag og organisasjonar tilby FriMoro og sommaraktivitetar i 2024.

FriMoro og sommaraktivitetane skal medverke til meistring, samhald, glede og nye opplevingar.

Aktivitetane blir i veke 26 og 27.
Lengda på engasjementet kan variere frå to dagar til seks dagar.

For å gje eit variert tilbod til deltakarane treng me engasjerte og ansvarlege ungdommar over 13 år, som likar å arbeida med barn og unge. 

Du får ansvar for å bidra der det trengs.
Dette kan vera å lage mat, rydde, rigge i forkant og etterkant, bidra på aktivitetane m.m.

Kvalifikasjonar:

• Ha interesse for arbeid med barn og uinge
• Gode samarbeidsevner
• Ønskje om å bidra til at barn og uinge får ei fin oppving på sommaraktivitet

Du må levere politiattest av ny dato ved oppstart.