Det vert med dette lyst ut etter 2 faste stillingar og 2 vikariat i 100 % stilling som spesialpedagog for barn i barnehagealder

Spesialpedagogisk team er ein del av avdelinga Styrka barnehagetilbod som er organisert i verksemda Pedagogisk fagsenter. 
Som spesialpedagog har du ansvar for å følgje opp, gjennomføre, organisere innhald og omfang av enkeltvedtak med rett til spesialpedagogisk hjelp.
Spesialpedagogane har hovudsakleg arbeidsstad i barnehagen, der ein arbeider tett saman med personalet i barnehagen for å skape eit miljø for omsorg, utvikling og læring.

Spesialpedagogane arbeider heilskapleg i ein eller fleire barnehagar i heile Ålesund kommune.
I fagsenteret sin kontorbase har vi felles plantid, teamarbeid, kompetanseheving og erfaringsutveksling i eit godt sosialt og fagleg miljø.

Arbeidsoppgåver

• Ansvar for å følge opp, gjennomføre, organisere innhald og omfang av enkeltvedtak til det beste for den det gjeld og i tråd med barnehagelova, rammeplan for barnehagar og barnekonvensjonen
• Å utarbeide, gjennomføre og evaluere mål og tiltak ved bruk av individuell utviklingsplan
• Kartlegge behovet for rettleiing og samarbeid saman med barnehage og foreldre
• Sikre godt foreldresamarbeid knytt til den spesialpedagogiske hjelpa
• Å styrke og aktivere kompetansen til personalet i barnehagen gjennom rettleiing og modellering
• Å implementere tiltak gjennom heilskapleg pedagogisk tilrettelegging, og sjå samanheng  mellom spesialpedagogiske og allmennpedagogiske tiltak
• Samarbeid i høve gjensidige forventningar mellom spesialpedagog og styrer/barnehage
• Å vere drøftingspartner i spesialpedagogiske spørsmål kring vidare tilvisingar, overgangar, tverrfagleg samarbeid
• Å delta i aktuelle møter og planarbeid i barnehagen
  
• Spesialpedagog må rekne med å samarbeide med ein eller fleire barnehagar i kommunen

Kvalifikasjonar

• Bachelor barnehagelærar med vidareutdanning innan det spesialpedagogiske feltet tilsvarande 60 stp.
• Anna pedagogisk/relevant bachelor med anna relevant vidareutdanning (60 stp.)  kan verte vurdert
• Erfaring frå fagfeltet som barnehagelærar/pedagogisk leiar og erfaring frå arbeid med  spesialpedagogikk og spesialpedagogiske metodar vil vektast
• Må ha sertifikat og disponere eigen bil
• Politiattest påkrevd
• Bestått Norskprøve i tråd med føringar i Barnehagelova § 27, jf.
  UDIR nivå A2 og B1

Personlege eigenskapar

Vi søkjer spesialpedagog som : 

• Har gode samarbeidsevner og kan motivere andre
• Er kreativ og arbeider målretta og sjølvstendig
• Er fagleg fokusert og evnar å vidareformidle og rettleie
• Særleg interesse for det spesialpedagogiske fagfeltet og kan bidra til innovativ utvikling og læring
• Evne og vilje til å tileigne seg relevant fagkunnskap på relevante tema/fagområde
• Gode skriftlege og munnlege framstillingsevner
• Kjennskap til IT-system og e-lærings verktøy
• Referansar og personlege eigenskapar vil verte vekta

Vi tilbyr

• Eit høgt fagleg nivå med rom for eigen utvikling og læring
• Godt sosialt miljø med gode kollegaer
• Spanande utfordringar både fagleg og sosialt
• God rettleiing og oppfølging 

Kontaktinformasjon

Solfrid Stavdal, Verksemdsleiar, 412 98 311, solfrid.m.stavdal@alesund.kommune.no
Hanne Helle, Avdelingsleiar , 475 07 242, Hanne.Katrine.Helle@alesund.kommune.no

Arbeidsstad

Keiser Wilhelms g.
11
6003 Ålesund

Nøkkelinformasjon:

Arbeidsgivar: Ålesund kommune

Referansenr.: 4797651239
Stillingsprosent: 100%
Fast, Vikar
Startdato: 01.08.2024
Søknadsfrist: 03.05.2024