Førde sentralsjukehus ligg sentralt til i Førde.
Det er gode kommunikasjonsmoglegheiter til Oslo og Bergen, både med fly og buss.
Om du likar trening eller turar i skog og fjell er dette fasilitetar du har lett tilgjengelege.
Kunne du tenkje deg å jobbe på dagtid i sommar på poliklinikk med tett pasientkontakt, samt spanande og varierte oppgåver i eit triveleg miljø?
Vi treng sommarvikarar under hovudferieavviklinga, hovudsakleg frå veke 26 til og med veke 33 (27.06.2023 - 21.08.2023).
Du bør fortrinnsvis vere tilgjengeleg for opplæring i veka/vekene før veke 26, men oppgje i søknaden både når du er tilgjengeleg for oppstart og kor lenge du kan jobbe.
Arbeidstid: kl 08:00-15:30 måndag-fredag
Kirurgisk poliklinikk er ein flott arbeidsplass med ulike fagfelt og god variasjon i arbeidet.
Vi møter mange pasientar med ulike behov, anten etter henvisning frå fastlege, annan avdeling eller som skal til kontroll.
Fagfelta våre er gastro-, urologi-, endokrin-, mamma-, kar- og plastikkirurgi, og vi har 17 tilsette - deriblant operasjonssjukepleiar, operasjonsplanleggar, stomisjukepleiarar, uroterapeutar og sjukepleiarar.
Vi samarbeider tett med ulike legespesialistar og sekretærar til det beste for pasientane.
Personlege eigenskapar vert vektlagt
Mangfoldserklæring
Føretaksgruppa i Helse Vest ønskjer å spegle mangfaldet i befolkninga i rekrutteringa vår.
Vi oppmodar alle som er kvalifiserte til å søkje ledige stillingar uansett kjønn, alder, funksjonshemming og fleirkulturell bakgrunn.
Det same gjeld dersom ein har hatt eit lengre opphald frå arbeidslivet.
Føretaksgruppa i Helse Vest ønskjer å leggje til rette for inkluderande rekruttering.
Helse Førde HF har ansvar for spesialisthelsetenestene i Sogn og Fjordane.
Føretaket arbeider for å gje pasientar og brukarar eit godt og heilskapeleg tilbod innanfor gjeldande rammer.
Helse Førde sine institusjonar og prehospitale tenester er organisert i eit heilskapleg nettverk, og samarbeidet med andre instansar som m.a.
kommunane er høgt prioritert.
Føretaket har om lag 3 000 tilsette og eit budsjett på over 3,2 milliardar kroner og er den største verksemda i Sogn og Fjordane.
Forsking og innovasjon er og viktige oppgåver i sjukehuset.
Helseføretaket er eigd av det statlege Helse Vest RHF.
Helse Vest skal så langt som råd avspegle mangfaldet i befolkninga.
Vi ønskjer å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.